Alborz Tibb Elmləri Universitetinin iranlı alimləri fastfud ilə depressiya riski arasında əlaqə aşkar ediblər.
Oxu.Az xəbər verir ki, bu barədə araşdırma "Journal of Affective Disorders" elmi nəşrində dərc olunub.
Ekspertlərin qənaətləri Milli Sağlamlıq və Qidalanma Müayinəsi Sorğusunun 17,4 mindən çox iştirakçısının məlumatlarının təhlilinə əsaslanır.
Nəticələrə görə, qadınların 11% və kişilərin 7%-i depressiv simptomlar nümayiş etdiriblər.
Həftədə iki dəfədən çox fastfud yeyən insanların eyni dövrdə ikidən az fastfud istehlak edənlərlə müqayisədə depressiya riski 24% daha yüksək olub.
Bundan əlavə, məlum olub ki, həftədə hər bir əlavə fastfud yeməyi depressiya ehtimalını 4% artırır.
Əlavə təhlillər göstərib ki, fastfud istehlakı ilə depressiya arasındakı əlaqə daha çox orta və ağır piylənmədən əziyyət çəkən insanlar arasında keçərlidir.
Alimlərin fikrincə, onların kəşfi piylənmənin fastfud istehlakı ilə depressiya arasında vasitəçi rolunu oynaya biləcəyi fərziyyəsini təsdiqləyib.
