Deputat sürücülər üçün cərimə limitinin 30 bala qaldırılmasını təklif edib 1
Azərbaycanda təkcə taksi sürücüləri yox, ümumilikdə bütün sürücülərin xəta etmə riski, səhv etmə payı artıb və məsuliyyət dairəsi genişlənib.
TURBIN.AZ report-a istinadən xəbər verir ki, bunu deputat Kamal Cəfərov Milli Məclisin növbədənkənar sessiyasının plenar iclasında bildirib.
Onun sözlərinə görə, hazırki İnzibati Xətalar Məcəlləsi 2016-cı ilin 1 mart tarixindən qüvvədə minib: "Məhz o zaman balla qiymətləndirilən inzibati xətaların sayı 14 olub. Ümumi balların sayı isə 54 olub. 2016-cı ildə sürücü sistemdəki bütün mümkün balların 37 faizini, yəni 20 bal toplayanda sürücülük hüququnu 6 ay müddətinə itirirdi və bu nisbət o günün şərtlərinə tam mütənasib idi. Ancaq son 10 ildə yol hərəkət qaydaları, mikromobilliklə bağlı bir sıra hüquqi islahatlar keçirilib, dəyişikliklər olub və son 10 ildə balla qiymətləndirilən inzibati xətaların sayı 14-dən 27-yə, sistemdəki ümumi bal dəyəri isə 54-dən 91-ə çatıb".
Deputat vurğulayıb ki, həm xəta sayı, həm də ümumi bal həcmi təxminən iki dəfəyə yaxın artıb: "Demək, təkcə taksi sürücüləri yox, ümumilikdə bütün sürücülərin xəta etmə riski, səhv etmə payı da artıb və məsuliyyət dairəsi genişlənib. Ancaq limit yenə eynidir və bu o deməkdir ki, sürücü bu gün sistemdə bütün mümkün balların yalnız 22 %-ni toplamaqla sürücülük hüququnu itirir. 2016-cı ildə bu göstərici 37 % olub. Və nəzərə alsaq ki, həmin orijinal 37 faizlik nisbəti tam bərpa etmək üçün riyazi olaraq limit 34 bal olmalıdır. Lakin məcəllənin çəkindirici qüvvəsini qorumaq, həm də cəzanın mütənasibliyini təmin etmək məqsədilə daha mühafizəkar mövqe tutaraq təklif edirəm ki, 20 ballıq cərimə limiti 30 bala qaldırılsın. Yaxud yüksək risk daşımayan, passiv, infrastruktur xarakterli pozuntulara görə sadəcə cərimə tətbiq olunsun, çünki əksər ölkələrdə belədir. Ancaq istənilən halda, bu məsələ ilə bağlı aidiyyatı qurumlar araşdırmalar aparmalıdır, təkliflər hazırlanmalıdır. Çünki bu təkcə limit məsələsi deyil, yeni yanaşma lazımdır. Və hazırda mediada belə bir səhv təəssürat formalaşdırılıb ki, bununla bağlı Milli Məclis hansısa bir layihə daxil olub və müzakirələr aparılır. Ona görə hesab edirəm ki, bununla bağlı, bu məsələ ilə bağlı məşğul olan, ixtisaslaşmış qurumlar təkliflər hazırlamalıdır, müzakirələr aparmalıdır".
Yaddaşı gücləndirən içki 0
Uzun illərdir həm alimləri, həm də qəhvə həvəskarlarını düşündürən bir sual var: qəhvə həqiqətən yuxunu pozurmu?
Yeni araşdırma göstərir ki, bu sualın cavabı düşünüldüyündən daha mürəkkəbdir.
Ölkə.az xəbər verir ki, alimlər yalnız yuxuya getmə müddətini deyil, həm də kofeinin yuxu başladıqdan sonra beyində yaratdığı təsirləri araşdırıblar. Bunun üçün elektroensefaloqrafiya (EEQ) texnologiyasından istifadə olunub. EEQ beynin elektrik fəaliyyətini qeydə alaraq yuxu zamanı baş verən prosesləri ətraflı şəkildə izləməyə imkan verir.
Polşadakı Vrotslav Tibb Universitetinin professoru Donata Kurpasın sözlərinə görə, EEQ yuxunun keyfiyyətini anlamaq üçün ənənəvi üsullardan daha dərin məlumatlar təqdim edir. Adi yuxu tədqiqatları əsasən yuxunun müddətinə və mərhələlərinə diqqət yetirsə də, EEQ beynin gecə boyu keçirdiyi dəyişiklikləri üzə çıxara bilir.
Tədqiqatçılar xüsusilə "yavaş dalğa aktivliyi" adlanan dərin yuxu mərhələsini araşdırıblar. Bu mərhələ orqanizmin toxumaları bərpa etdiyi, enerji ehtiyatlarını yenilədiyi, immun sistemini gücləndirdiyi, yaddaş və öyrənmə proseslərini dəstəklədiyi ən vacib yuxu mərhələlərindən biri hesab olunur.
"Nutrients" jurnalında dərc edilən araşdırma kofeinin məhz bu vacib prosesi mənfi təsirə məruz qoya biləcəyini göstərib. Nəticələrə görə, insan səkkiz saat yatıb səhər özünü dincəlmiş hiss etsə belə, EEQ qeydləri dərin yuxuya xas olan yavaş dalğa aktivliyinin azaldığını, əvəzində ayıqlıqla əlaqəli beyin fəaliyyətinin artdığını göstərə bilər.
Mütəxəssislər bildirirlər ki, insanların çoxu bu gizli təsirin fərqinə varmır. İnsan gecə ərzində oyandığını xatırlamaya və yaxşı yatdığını düşünə bilər. Lakin beyin bərpaedici yuxudan lazım olduğu qədər faydalanmamış ola bilər.
Araşdırma müəllifləri hesab edirlər ki, bu vəziyyət bəzi insanların tam gecə yuxusundan sonra belə niyə hələ də yorğun hiss etdiyini izah edə bilər.
Tez əsəbiləşən insanlar daha vicdanlı olur? 0
Araşdırmalar göstərir ki, tez əsəbiləşən insanlar hər zaman "hövsələsiz" və ya "aqressiv" olmurlar; bəzi hallarda onlar yüksək emosional həssaslıq və güclü ədalət hissi ilə hərəkət edə bilirlər.
Ölkə.az xəbər verir ki, mütəxəssislərin sözlərinə görə, asanlıqla qəzəblənən insanlar haqsızlığı, hörmətsizliyi və ya dəyər verdikləri məsələlərə yönəlmiş təhdidləri daha kəskin şəkildə qəbul edirlər. Buna görə də onların reaksiyaları çox vaxt laqeydlikdən deyil, əksinə, hadisələrə daha çox önəm vermələrindən qaynaqlanır.
Psixologiya sahəsində aparılan tədqiqatlar göstərir ki, yüksək empatiya və vicdan hissinə malik bəzi insanlar stress altında emosional reaksiyaları daha sürətli göstərə bilirlər. Bununla belə, mütəxəssislər vurğulayırlar ki, qəzəb təkbaşına insanın vicdanlı və ya həssas olmasının göstəricisi deyil. Burada şəxsiyyət xüsusiyyətləri, stress səviyyəsi və həyat şəraiti kimi bir çox amillər rol oynayır.
Tədqiqatçılara görə, əsas məsələ qəzəbin yaranması deyil, bu hissin necə idarə olunmasıdır. Sağlam ünsiyyət və emosional fərqindəlik güclü reaksiyaların münasibətlərə və gündəlik həyata mənfi təsir göstərməsinin qarşısını almaqda mühüm rol oynayır.
Dünyanın ən xoşbəxt şəhərləri açıqlandı (SİYAHI) 0
Hər il dərc olunan "Xoşbəxt Şəhər İndeksi" hesabatının 2026-cı il nəticələri açıqlanıb.
Qaynarinfo xəbər verir ki, reytinq şəhərlərin idarəetmə, vətəndaş iştirakçılığı, iqtisadiyyat, səhiyyə, ətraf mühit və nəqliyyat kimi sahələrdəki göstəricilərinə əsasən tərtib olunub.
Siyahıya görə dünyanın ən xoşbəxt şəhərləri belə sıralanıb:
1. Kopenhagen, Danimarka
2. Helsinki, Finlandiya
3. Cenevrə, İsveçrə
4. Uppsala, İsveç
5. Tokio, Yaponiya
6. Trondheim, Norveç
7. Bern, İsveçrə
8. Malmö, İsveç
9. Münhen, Almaniya
10. Aarhus, Danimarka
11. Sürix, İsveçrə
12. Barselona, İspaniya
13. Espoo, Finlandiya
14. Oslo, Norveç
15. Haaqa, Niderland
Reytinqə əsasən, Skandinaviya və Şimali Avropa şəhərləri üstünlük təşkil edir. Siyahının zirvəsində Danimarkanın paytaxtı Kopenhagen yer alaraq 2026-cı ilin ən xoşbəxt şəhəri seçilib.
Zelenski Putinə şəxsi görüş və danışıqlar müddətində atəşkəs təklif edib 0
Ukrayna Prezidenti Volodimir Zelenski rusiyalı həmkarı Vladimir Putinə şəxsi görüş və danışıqlar müddətində atəşkəs təklifi ilə açıq məktub yazıb.
BAKU.WS "Report"a istinadən xəbər verir ki, məktubun tam mətni Prezidentin saytında dərc olunub.
Zelenski bildirib ki, Ukrayna "hamının hamıya" formulu ilə əsir mübadiləsinə, mülki şəxslərin və uşaqların qaytarılmasına, eləcə də ABŞ və Avropanın təhlükəsizlik qarantları qismində mümkün iştirakı ilə birbaşa ikitərəfli formata hazırdır. O, görüşün neytral ərazidə keçirilməsini təklif edib və bildirib ki, cəbhə xətti diplomatiyanın başlayacağı xətt olmalıdır.
Ətsiz qidalanma trendi: Fayda və risklər 0
"Əti rasiondan çıxarmaq mümkündür, lakin onu əvəz etmək üçün tək bir qida məhsulu kifayət etmir. Ət yüksək keyfiyyətli zülal mənbəyi hesab olunur və insan orqanizmi üçün vacib olan bütün əvəzolunmaz amin turşularını ehtiva edir. Ümumilikdə insan orqanizmi 20 növ amin turşusundan istifadə edir ki, onların 9-u əvəzolunmaz sayılır. Orqanizm bu amin turşularını özü sintez edə bilmədiyindən, onlar mütləq qidalar vasitəsilə qəbul edilməlidir".
Bunu BiG.AZ-a açıqlamasında qida eksperti Asim Vəliyev bildirib.
O, qeyd edib ki, heyvan mənşəli zülallar adətən bu amin turşularının hamısını kifayət qədər miqdarda təmin edir. Bitki mənşəli zülallarda isə bəzi amin turşuları çatışmaya bilər. Buna görə də ət istehlakını azaltmaq və ya tamamilə dayandırmaq istəyən şəxslər qida rasionunda müxtəlifliyə xüsusi diqqət yetirməlidirlər:
"Mütəxəssislər paxlalılarla taxıl məhsullarının birlikdə istifadəsini ən praktik yanaşmalardan biri hesab edirlər. Məsələn, mərci ilə düyü, noxudla bulqur və ya lobya ilə tam taxıllı məhsullar bir-birini tamamlayaraq daha balanslı zülal tərkibi yaradır. Ayrı-ayrılıqda çatışmayan amin turşuları birlikdə qəbul edildikdə bu boşluğu müəyyən qədər doldura bilir.
Bitki mənşəli qidalarla bağlı diqqət edilməli digər məqam dəmirin mənimsənilməsidir. Bitki mənşəli dəmir orqanizm tərəfindən heyvan mənşəli dəmirlə müqayisədə daha zəif sorulur. Buna görə də paxlalı yeməklərlə birlikdə C vitamini ilə zəngin məhsulların istifadəsi tövsiyə olunur. Limon, pomidor, bibər və müxtəlif göyərtilər dəmirin mənimsənilməsini artırmağa kömək edir.
Ət və digər heyvan mənşəli qidaları qəbul etməyən insanlarda ən çox rast gəlinən problemlərdən biri B12 vitamini çatışmazlığıdır. Bu vitamin bitki mənşəli qidalarda demək olar ki, mövcud deyil. Buna görə uzun müddət heyvan mənşəli məhsullardan uzaq duran şəxslərdə B12 çatışmazlığı riski artır.
Bununla yanaşı, dəmir və sink çatışmazlığı da yarana bilər. Yorğunluq, halsızlıq, saç tökülməsi və anemiya kimi əlamətlər bəzən yalnız stress və ya intensiv həyat tərzi ilə deyil, qida balansındakı pozuntularla da əlaqəli ola bilər.
Göbələk dad və tekstura baxımından əti xatırlatdığı üçün tez-tez alternativ kimi təqdim edilir. Lakin qida dəyəri baxımından göbələk əti tam əvəz edə bilmir. Onun zülal miqdarı ətlə müqayisədə xeyli aşağıdır. Bu səbəbdən göbələkdən daha çox yeməyin həcmini artırmaq, dad vermək və ya digər məhsullarla birlikdə istifadə etmək məqsədilə yararlanmaq daha məqsədəuyğundur.
Ətin bitki mənşəli alternativləri arasında mərci, noxud, lobya və xüsusilə soya daha çox ön plana çıxır. Paxlalılar zülalla yanaşı lif, maqnezium və digər faydalı maddələrlə zəngindir. Soya isə bitki mənşəli qidalar arasında nadir tam zülal mənbələrindən biri hesab olunur.
Bununla belə, əsas məsələ sadəcə əti rasiondan çıxarmaq deyil, balanslı qidalanma sistemini qorumaqdır. Xüsusilə hamilə qadınlarda, inkişaf dövründə olan uşaqlarda və yaşlı insanlarda ət zülalının rasiondan çıxarılması daha diqqətli yanaşma tələb edir. Belə hallarda qidalanma planı fərdi xüsusiyyətlər nəzərə alınaraq hazırlanmalı, zərurət yarandıqda laborator analizlər və həkim nəzarəti ilə müşayiət olunmalıdır".
İşsiz qalacaqlar - Bu 10 peşəni süni intellekt əvəz edəcək 0
Beş aparıcı neyroşəbəkə əsasında aparılan genişmiqyaslı araşdırma qlobal əmək bazarında ciddi dəyişikliklərin qaçılmaz olduğunu göstərib. Süni intellekt mövcud iqtisadi prosesləri təhlil edərək belə nəticəyə gəlib ki, texnologiyalar artıq yalnız köməkçi funksiyalarla kifayətlənmir və rutin işlərə əsaslanan sahələrdə insan əməyini mərhələli şəkildə əvəz etməyə başlayır. Ən böyük risk altında dövri alqoritmlər, məlumat bazalarının idarə olunması və standart mətn və vizual məhsulların hazırlanması ilə bağlı peşələr dayanır.
Lent.az xarici mediaya istinadla xəbər verir ki, araşdırma çərçivəsində müxtəlif süni intellekt modellərinə eyni analitik sorğu təqdim olunub və nəticədə məşğulluq baxımından ən həssas sahələrin müəyyən edilməsində alqoritmlər arasında tam uyğunluq müşahidə edilib.
Risk zonasındakı peşələr
Müştəri və əməliyyat xidmətləri sahəsində çalışan əməkdaşların ilk növbədə avtomatlaşdırmanın təsiri ilə üzləşəcəyi bildirilir. Xüsusilə dəstək xidmətlərinin əməkdaşları, çağrı mərkəzi operatorları və müştəri xidmətləri üzrə mütəxəssislərin funksiyalarını səsli və mətn əsaslı çat-botların daha effektiv yerinə yetirə biləcəyi vurğulanır.
Məlumatların idarə olunması və emalı istiqamətində də risk yüksək qiymətləndirilir. Kontent-menecerlər, məlumat daxil edən əməkdaşlar, məlumatların əl ilə emalını həyata keçirən şəxslər, eləcə də yalnız ilkin sənədlərlə işləyən mühasiblər təhlükə altında olan peşələr sırasında göstərilir.
İT və analitika sahəsində başlanğıc səviyyəli vəzifələrin də ciddi transformasiya ilə üzləşəcəyi proqnozlaşdırılır. Neyroşəbəkələrin qiymətləndirməsinə əsasən, proqram təminatının test edilməsi ilə məşğul olan mühəndislər və analitiklər üçün vakansiyalarda azalma müşahidə oluna bilər. Bildirilir ki, proqram səhvlərinin aşkarlanması və böyük məlumatların emalı kimi vəzifələr getdikcə daha çox avtomatlaşdırılır.
Standart məzmun istehsalı sahəsində çalışanlar üçün də risklər qeyd olunur. Başlanğıc səviyyəli kopirayterlər, texniki sənədlərin tərcüməçiləri, kütləvi işə qəbul üzrə rekruterlər və baza səviyyəli qrafik dizaynerlərin işlərinin müəyyən hissəsinin süni intellekt tərəfindən əvəz edilə biləcəyi vurğulanır.
Ekspertlərin və süni intellekt modellərinin ümumi qənaətinə görə, peşələrin risk səviyyəsini müəyyən edən əsas amil iş proseslərinin nə dərəcədə standartlaşdırılmış və formal qaydalara əsaslanmasıdır.
İnsan amili üstünlük olaraq qalır
Araşdırmada qeyd edilir ki, süni intellektin təsirinə qarşı ən davamlı sahələr insan münasibətlərinə əsaslanan peşələr hesab olunur. Emosional intellekt, empatiya, fərdi ünsiyyət bacarığı və insanlar arasında etibarlı münasibətlər qurmaq qabiliyyəti tələb edən işlərin yaxın gələcəkdə daha dayanıqlı qalacağı bildirilir.
Bundan əlavə, qeyri-standart strateji düşüncə, yaradıcı yanaşma və yüksək qeyri-müəyyənlik şəraitində böhranlardan çıxış yolu tapmaq bacarığı da insan üstünlüyü kimi qiymətləndirilir. Mütəxəssislərin fikrincə, süni intellekt hazırda bu xüsusiyyətləri tam şəkildə təqlid etmək imkanına malik deyil.
Müğənninin geyimi müzakirələrə səbəb oldu - Video 0
Nüşabə Musayevanın sosial şəbəkədə paylaşdığı video geniş müzakirələrə səbəb olub.
Məclislərin birində çəkilən görüntülərində 43 yaşlı müğənni dərin sinə dekolteli sarı libasda rəqs edir.
O, paylaşımına "Heyyy qıcıq olanlar, bir az da baxın" sözlərini əlavə edib.
Sosial şəbəkə istifadəçilərinin əksəriyyəti geyim tərzi və rəqs hərəkətləri qınaqla qarşılayıb. Onlar Musayevanın paylaşımını bəyənməyib, davranışlarını sərt şəkildə tənqid edib, onun artıq nənə olduğunu xatırladıblar.
Müğənni ünvanına yazılan bəzi tənqidi rəylərə emossional reaksiya verərək istifadəçilərə qarşı küçə söyüşləri işlədib. / Yeni sabah.az
https://bax.tv/maqazin-xeberleri/nusabe-musayevadan-aciq-saciq-geyim-223254?utm_source=playerden&utm_medium=paylasim&utm_campaign=maqazin-xeberleri
Hər gecə saat 03:00-da oyanırsınız? - Səbəb bu 4 vərdiş ola bilər 0
Keyfiyyətli gecə yuxusu sağlam həyatın əsas şərtlərindən biri hesab olunur. Buna baxmayaraq, milyonlarla insan hər gecə eyni saatda oyanmaqdan şikayətlənir.
BAKU.WS xəbər verir ki, axşam saatlarında edilən bəzi səhvlər fasiləsiz yuxuya ciddi maneə yaradır.
Xüsusilə isti havalarda rahat və dərin yuxuya getmək daha çətin olur. Gecə yarısı oyanıb saata baxmaq və yenidən yata bilməmək isə ertəsi gün həm enerjiyə, həm də əhval-ruhiyyəyə mənfi təsir edir.
Yuxu üzrə mütəxəssis Oliver Goble bildirib ki, gecə saat 3 radələrində oyanmaq təsadüfi deyil və buna səbəb olan 4 əsas səhv var:
Yatmazdan əvvəl spirtli içki qəbul etmək
Bir çox insan gərgin gündən sonra rahatlamaq üçün spirtli içki qəbul edir. Alkoqol ilk baxışda yuxuya getməyi asanlaşdırsa da, əslində yuxunun keyfiyyətini aşağı salır. Mütəxəssislər bildirirlər ki, alkoqol insanı daha yüngül və qeyri-dərin yuxu mərhələsində saxlayır. Bundan əlavə, bədəndə susuzlaşmaya da səbəb olur.
Günün ikinci yarısında kofein qəbul etmək
Kofein orqanizmdə düşünüldüyündən daha uzun müddət qalır. Təkcə axşam içilən çay və qəhvə deyil, günortadan sonra qəbul edilən enerji içkiləri və idman əlavələri də gecə yuxusuna təsir göstərə bilər. Həssas insanlara kofeini günün erkən saatlarında qəbul etmək tövsiyə olunur.
Gec saatlarda yemək yemək
Axşam yeməyini gec yemək və ya gecə qəlyanaltıları həzm sistemini yuxu vaxtı işləməyə məcbur edir. Bu isə yuxunun keyfiyyətini zəiflədir. Həmçinin gec saatlarda yemək reflüks, köp və narahatlıq hissi yaradaraq insanın gecə oyanmasına səbəb ola bilər.
Xroniki stress və kortizol hormonu
Mütəxəssisə görə, gecə tez-tez oyanmağın əsas səbəblərindən biri də stressdir. Uzunmüddətli stress zamanı orqanizm gecə də "hazır vəziyyətdə" qalır. Kortizol kimi stress hormonlarının yüksək olması dərin yuxuya keçidi çətinləşdirir və insanın səhərə yaxın oyanmasına gətirib çıxarır.
Çörək yenidən bahalaşa bilər? - VACİB AÇIQLAMA 0
"Azərbaycanın buğda idxalını artırması və yerli istehsalın ötən illə müqayisədə demək olar ki, eyni səviyyədə qalması çörəyin qiymətinə təsirsiz ötüşə bilməz. Bununla bağlı hələ ilin əvvəlində qeyd etmişdik ki, 2026-cı ildə un və çörək məhsullarının qiymətində müəyyən artım ehtimalı mövcuddur".
Bunu BAKU.WS-ə açıqlamasında Azərbaycan Qiymətləndiricilər Cəmiyyətinin (AQC) sədri Vüqar Oruc bildirib.
Onun sözlərinə görə, bu proqnozun əsas səbəbləri arasında qlobal inflyasiya, enerji daşıyıcılarının bahalaşması və beynəlxalq bazarlarda kənd təsərrüfatı məhsullarının qiymətlərindəki dəyişikliklər yer alır. Xarici bazarlarda baş verən proseslər Azərbaycan bazarına da təsir göstərir və nəticədə istehsalçıların xərcləri artır:
"İlin ilk aylarında bəzi çörək növlərinin qiymətində artıq müəyyən artımlar müşahidə olundu. Bu da onu göstərir ki, bazarda qiymət təzyiqləri hələ də qalmaqdadır. Bununla belə, çörək sosial əhəmiyyətli məhsul olduğundan dövlət bu sahəyə xüsusi diqqət ayırır. Məhz buna görə də müxtəlif dəstək mexanizmləri hesabına qiymətlərin kəskin şəkildə yüksəlməsinin qarşısını almağa çalışılır.
Hazırda qiymətlərin formalaşmasına təsir edən əsas amillərdən biri idxaldan asılılığın artmasıdır. Yerli istehsalın ciddi şəkildə genişlənməməsi fonunda idxalın həcminin yüksəlməsi Azərbaycanın xarici bazarlardakı qiymət dəyişikliklərinə daha həssas olmasına səbəb olur.
Ölkəmizin əsas buğda tədarükçüləri Rusiya və Qazaxıstandır. Bu ölkələrdə baş verən qiymət artımları, məhsuldarlıq dəyişiklikləri və logistika xərcləri birbaşa olaraq Azərbaycanın ərzaq bazarına təsir edir. Eyni zamanda nəqliyyat, yanacaq, elektrik enerjisi və digər istehsal xərclərinin yüksəlməsi də çörəyin maya dəyərini artıran amillər sırasındadır".
AQC sədri əlavə edib ki, bütün bu faktorlar nəzərə alındıqda gələcək dövrdə çörəyin qiymətində müəyyən artım ehtimalı qalır:
"Ancaq bahalaşmanın kəskin olacağı gözlənilmir. Çünki hökumət həm ərzaq təhlükəsizliyi, həm də əhalinin sosial rifahı baxımından bu məhsulun qiymət sabitliyinin qorunmasına çalışır.
Digər tərəfdən, ölkədə əhalinin sayının və istehlakın artması da bazarda əlavə tələbat yaradır. Çörəyə olan tələbin yüksəlməsi uzunmüddətli perspektivdə qiymətlərin formalaşmasına təsir edən amillərdən biri kimi çıxış edir.
Ümumilikdə, mövcud iqtisadi şərait qiymət artımı riskini tam aradan qaldırmasa da, dövlətin həyata keçirdiyi tənzimləyici tədbirlər və dəstək proqramları sayəsində yaxın dövrdə ciddi bahalaşma gözləntiləri yüksək deyil. Bununla belə, bazarda mərhələli və məhdud qiymət artımlarının baş verməsi mümkündür".
Alimlər qaçmağın insan sağlamlığına gözlənilməz faydalarını açıqlayıblar 0
Mütəxəssislər hesab edirlər ki, müntəzəm qaçış təkcə fiziki formanı yaxşılaşdırmır, həm də beyin fəaliyyətinə, emosional vəziyyətə və yaşlanma prosesinə müsbət təsir göstərir.
BAKU.WS xəbər verir ki, tibb üzrə fəlsəfə doktoru Valeri Litvinovun sözlərinə görə, yüngül tempdə qaçış insanın yaradıcı düşünmə qabiliyyətini artırır.
Bu növ fiziki aktivlik beynin yeni ideyalar yaratmaq və qeyri-standart həll yolları tapmaq bacarığını gücləndirir. Alimin fikrincə, müntəzəm məşqlər yaddaş və öyrənmə proseslərinə cavabdeh olan hipokamp bölgəsinin inkişafına da kömək edə bilər.
Ekspert qeyd edib ki, qaçış zamanı ritmik hərəkətlər və nəfəsalma prosesi sinir sisteminə müsbət təsir göstərir. Bu isə stressdən sonra orqanizmin daha tez bərpa olunmasına, yuxu keyfiyyətinin yüksəlməsinə və emosional gərginliyin azalmasına şərait yaradır.
Mütəxəssislər qaçışın beynin təmizlənmə mexanizmlərini də aktivləşdirdiyini bildirirlər. Onların sözlərinə görə, müntəzəm aerobik fəaliyyət beyin hüceyrələrində yığılan və bəzi neyrodegenerativ xəstəliklərlə əlaqələndirilən zərərli maddələrin daha sürətli xaric olunmasına kömək edir. Bu isə gələcəkdə yaddaş problemlərinin və bəzi nevroloji xəstəliklərin riskini azalda bilər.
Qaçışın qan dövranına da müsbət təsiri var. Fiziki aktivlik qanın axıcılığını yaxşılaşdırır, damarların fəaliyyətini dəstəkləyir və tromb əmələgəlmə riskini azaltmağa kömək edir. Bununla belə, həkimlər ciddi xəstəliklər zamanı idmanın dərman müalicəsini əvəz etmədiyini vurğulayırlar.
Digər tibb mütəxəssisi Sergey Solodnikov isə bildirib ki, müntəzəm aerobik məşqlər yaşla əlaqədar eşitmə zəifləməsinin qarşısını müəyyən qədər ala bilər. Bunun səbəbi daxili qulağın qanla təchizatının yaxşılaşması və sinir sisteminin fəaliyyətini dəstəkləyən zülalların səviyyəsinin artmasıdır.
Araşdırmalarda həmçinin göstərilir ki, orta intensivlikli fiziki yüklənmələr beyində yeni sinir əlaqələrinin formalaşmasını sürətləndirir və beyin hüceyrələrinin inkişafına kömək edən BDNF adlı zülalın istehsalını artırır.
Mütəxəssislər sağlamlıq üçün gülüşün də vacibliyini qeyd edirlər. Psixiatrların fikrincə, səmimi gülüş stress hormonlarının səviyyəsini aşağı salır, xoşbəxtlik hissi yaradan endorfin və dopamin hormonlarının ifrazını artırır. Bundan əlavə, gülüş damarların elastikliyini yaxşılaşdırır və immun sisteminin fəaliyyətinə müsbət təsir göstərə bilər.
Eyni zamanda dietoloqlar omeqa-3 əlavələrinin nəzarətsiz qəbulundan çəkinməyi tövsiyə edirlər. Onların sözlərinə görə, keyfiyyətsiz və ya həddindən artıq istifadə olunan əlavələr xüsusilə yaşlı insanlarda damar və beyin sağlamlığı üçün arzuolunmaz nəticələr yarada bilər. Mütəxəssislər omeqa-3-ün ilk növbədə qida məhsullarından qəbul edilməsini daha təhlükəsiz hesab edirlər.
Həkimlər vurğulayırlar ki, sağlam qocalmanın əsas şərtləri arasında müntəzəm fiziki aktivlik, balanslı qidalanma, keyfiyyətli yuxu və stressin idarə olunması xüsusi yer tutur.
Türkiyədə 81 bölgədə ortalama kirayə qiymətləri 0
🇹🇷Türkiyədə 81 bölgədə ortalama kirayə qiymətləri:
🟢Ən Ucuz Kirayə Təklif Edən İlk 10 Əyalət
Kilis – ₺10.022 (~511 AZN)
Aksaray – ₺10.268 (~524 AZN)
Kars – ₺12.450 (~635 AZN)
Şırnak – ₺12.480 (~636 AZN)
Muş – ₺12.530 (~639 AZN)
Yozgat – ₺12.714 tap (~648 AZN)
Sivas – ₺12.714 (~648 AZN)
Bayburt – ₺12.767 (~651 AZN)
Burdur – ₺12.855 (~656 AZN)
Kütahya – ₺13.551 (~691 AZN)
🟢Orta Qiymət Seqmentində Olan Əyalətlər (₺13.500 - ₺20.000)
Bitlis – ₺13.572 (~692 AZN) |
Niğde – ₺13.845 (~706 AZN) |
Bingöl – ₺13.912 (~710 AZN)
Iğdır – ₺14.120 (~720 AZN) |
Karaman – ₺14.346 (~732 AZN) |
Siirt – ₺14.532 (~741 AZN)
Ardahan – ₺14.654 (~747 AZN) |
Gümüşhane – ₺14.876 (~759 AZN) |
Kırşehir – ₺14.982 (~764 AZN)
Nevşehir – ₺15.234 (~777 AZN) |
Afyonkarahisar – ₺15.432 (~787 AZN) |
Kayseri – ₺15.501 (~791 AZN)
Mardin – ₺15.787 (~805 AZN) |
Ağrı – ₺15.892 (~810 AZN) |
Batman – ₺15.941 (~813 AZN)
Osmaniye – ₺16.124 (~822 AZN) |
Erzincan – ₺16.152 (~824 AZN) |
Hakkari – ₺16.205 (~826 AZN)
Tokat – ₺16.345 (~834 AZN) |
Adıyaman – ₺16.543 (~844 AZN) |
Bilecik – ₺16.789 (~856 AZN)
Karabük – ₺16.854 (~860 AZN) |
Van – ₺16.905 (~862 AZN) |
Uşak – ₺17.042 (~869 AZN)
Çankırı – ₺17.124 (~873 AZN) |
Kırıkkale – ₺17.215 (~878 AZN) |
Eskişehir – ₺17.420 (~888 AZN)
Samsun – ₺17.528 (~894 AZN) |
Bolu – ₺17.654 (~900 AZN) |
Denizli – ₺17.842 (~910 AZN)
Isparta – ₺17.912 (~914 AZN) |
Kahramanmaraş – ₺18.101 (~923 AZN) |
Elazığ – ₺18.234 (~930 AZN)
Erzurum – ₺18.305 (~934 AZN) |
Çorum – ₺18.392 (~938 AZN) |
Trabzon – ₺18.476 (~942 AZN)
Sinop – ₺18.543 (~946 AZN) |
Malatya – ₺18.669 (~952 AZN) |
Kastamonu – ₺18.724 (~955 AZN)
Giresun – ₺18.808 (~959 AZN) |
Şanlıurfa – ₺18.916 (~965 AZN) |
Amasya – ₺19.012 (~970 AZN)
Diyarbakır – ₺19.230 (~981 AZN) |
Bartın – ₺19.234 (~981 AZN) |
Manisa – ₺19.456 (~992 AZN)
Gaziantep – ₺19.816 (~1.011 AZN) |
Düzce – ₺19.912 (~1.016 AZN)
🟢Yüksək Qiymət Seqmentində Olan Əyalətlər (₺20.000 - ₺25.000)
Zonguldak – ₺20.124 (~1.026 AZN)
Ordu – ₺20.345 (~1.038 AZN)
Balıkesir – ₺20.596 (~1.050 AZN)
Bursa – ₺20.615 (~1.051 AZN)
Hatay – ₺21.320 (~1.087 AZN)
Adana – ₺21.320 (~1.087 AZN)
Mersin – ₺21.320 (~1.087 AZN)
Konya – ₺21.524 (~1.098 AZN)
Tekirdağ – ₺21.765 (~1.110 AZN)
Edirne – ₺21.982 (~1.121 AZN)
Aydın – ₺22.144 (~1.129 AZN)
Yalova – ₺22.345 (~1.140 AZN)
Kırklareli – ₺22.712 (~1.158 AZN)
Sakarya – ₺22.912 tap (~1.169 AZN)
Artvin – ₺23.400 (~1.193 AZN)
Kocaeli – ₺23.485 (~1.198 AZN)
Rize – ₺23.654 (~1.206 AZN)
Çanakkale – ₺23.864 (~1.217 AZN)
Antalya – ₺24.346 (~1.242 AZN)
Bakı və Abşeron yarımadasında yağış yağır - FAKTİK 0
Azərbaycanın bəzi yerlərində yağıntılı və küləkli hava şəraiti müşahidə olunur.
BAKU.WS xəbər verir ki, bu barədə Milli Hidrometeorologiya Xidmətinin mayın 29-u saat 16:00-a olan məlumatında qeyd olunub.
Bildirilib ki, Bakıda və Abşeron yarımadasında yağış, Yevlax, Qusar, Goranboy, Naftalan, Tərtər, Şabran, Sabirabadda isə arabir şimşək çaxır, yağış yağır.
Bir sıra ərazilərdə qərb küləyi əsir, küləyin maksimal sürəti Şahdağda 28, Zəngilanda 21, Culfada 20, Şahbuz, Lerik, Yardımlı, Laçında 15 m/s-yə çatır.