Məşhur amerikalı reper və prodüser P.Diddy (əsl adı - Şon Kombs) Nyu-Yorkda təcavüz və insan alveri ittihamları ilə həbs edilib. Xəbər hip-hop dünyasını sarsıdıb və cəmiyyətdə geniş rezonans doğurub.
Oxu.Az-ın verdiyi məlumata görə, bu barədə "The New York Times" xəbər yayıb.
İttihamnamənin detalları hələ açıqlanmır.
Qeyd edək ki, 2023-cü ilin iyulunda keçmiş porno aktrisası Adria İngliş Kombsu təcavüz və insan alverində ittiham edib.
Bu, 53 yaşlı ifaçının belə cinayətlərdə günahlandırıldığı ilk hal deyil. Ən səs-küylü iş isə zorakılıq ittihamı ilə keçmiş sevgilisi - müğənni Kessi (Kassandra Ventura) tərəfindən başladılmışdı .
Sərvəti "Forbes" tərəfindən 2022-ci ildə 1 milyard dollar qiymətləndirilən P.Diddy karyerasına 90-cı illərdə başlayıb və qısa müddətdə populyarlıq qazanıb. Onun ilk albomu "No Way Out" (1997) ona "Grammy" mükafatı və dünya şöhrəti gətirib.
