ABŞ-nin Alabama ştatının Birmingem şəhərində gecə klubunun yaxınlığında baş verən atışma nəticəsində azı 4 nəfər ölüb, 9 nəfər yaralanıb.
Oxu.Az TASS-a istinadən xəbər verir ki, küçədə dayanan təcavüzkar gecə klubuna gələnlərə atəş açıb.
Hadisə yerinə gələn polis əməkdaşları iki qadın və bir kişi meyiti aşkarlayıblar. Daha bir nəfər isə sonradan xəstəxanada vəfat edib.
Həmçinin bildirilir ki, yaralılar tibb müəssisələrinə yerləşdirilib və onlardan 9-u hələ də tibbi yardıma ehtiyac duyur.
Polis həmçinin bildirib ki, hücum edənin motivi və şəxsiyyəti hələlik məlum deyil.
