Bu gün Azərbaycan Prezidenti İlham Əliyev XXXI Yay Olimpiya Oyunlarında iştirak etmiş idmançılarla görüşüb.
May.Az xəbər verir ki, görüşdə WBC Muaythai üzrə dünya çempionu Zabit Səmədov da iştirak edib. O, görüşlə bağlı öz təəsüratlarını bölüşüb:
"Prezident qələbə münasibəti ilə məni təbrik etdi və Azərbaycan bayrağı altında çıxış etdiyimə görə mənə minnətdarlığını bildirdi. Mən Prezidenti əmin etdim ki, həmişə Azərbaycanı təmsil etmişəm, bundan sonra da edəcəm. Öz idman karyerama Azərbaycan bayrağı ilə davam edəcəm. Mən də dövlətimizin başçısına minnətdarlığımı bildirdim. Qeyd etdim ki, Sizinlə fəxr edirəm cənab Prezident", - Zabit Səmədov görüş haqqında qeyd edib.
