Bu gün Bakıda 8 Noyabr - Zəfər Gününün beşinci ildönümü münasibətilə hərbi parad keçiriləcək.
BAKU.WS xəbər verir ki, hazırda paytaxt Bakıda parada hazırlıq işləri tamamlanıb.
Bu barədə BAKU.TV məlumat yayıb.
Qeyd edilib ki, paradda keçid edəcək şəxsi heyət, hərbi texnika artıq hazır vəziyyətə gətirilib.
Yerli media və mətbuat orqanları da hazırda Azadlıq meydanındadır. Onlar təşkil olunacaq tədbiri gözləyirlər.
Hərbi paradın 13:00-da başlanacağı gözlənilir.
Qeyd edək ki, Azərbaycanın müxtəlif qoşun növlərinin iştirak edəcəyi paradı Azərbaycan Prezidenti İlham Əliyev, Türkiyə lideri Rəcəb Tayyib Ərdoğan, Pakistan Baş naziri Şahbaz Şərif və digər qonaqlar izləyəcək.
