Voleybol milliləri üzrə dünya reytinq cədvəlində Azərbaycan seçmə komandalarının da mövqeyi bəlli olub.
Oxu.Az xəbər verir ki, qadın voleybolçulardan ibarət millimiz 108.95 xalla dünyanın 35-ci komandasıdır. Faiq Qarayevin rəhbərlik etdiyi komanda son siyahı ilə müqayisədə 4 pillə geriləyib.
Qadın millilərin cədvəlinə İtaliya yığması başçılıq edir. Onların aktivində 437.03 xalı var. Onları Braziliya izləyir (407.09 xal). Üçlüyü ABŞ qapayır - 362.27 xal.
Kişilərdən ibarət komandamız da mövqeyini dəyişib. Seçmə komandamız 22.31 xalla 82-ci pilləyə enib. Onlar 7 rəqibini özlərindən irəli buraxıblar.
İlk üçlük dəyişməz qalıb. Polşa (401.31) liderliyini qoruduğu halda, Fransa (378.07) ikinci pilləyə yüksəlib. ABŞ (365.87) isə üçüncüdür.
