Maqnit qasırğaları sağlamlıq üçün potensial təhlükələrdir. Onlar Yerin maqnit sahəsində günəş alovlarının yaratdığı pozğunluqlardan qaynaqlanır. Bu cür dalğalanmalar təkcə sağlamlığımıza və rifahımıza deyil, həm də rabitə sistemlərinin işinə mənfi təsir göstərə bilər. Buna görə də alimlər onların təhlükəsini gözardı etməməyə çağırırlar.
Lent.az "Meteoagent" saytına istinadən xəbər verir ki, aprel ayında bir neçə zəif və bir güclü maqnit qasırğası gözlənilir.
4 bal gücündə ilk qasırğanın aprelin 1 və 2-də olacağı gözlənilir. Eyni gücdə növbəti qasırğa aprelin 10 və 11-də olacaq. Daha sonra aprelin 16 və 17-də üçüncü qasırğa da 4 bal gücündə gözlənilir.
Ay ərzində sonuncu və ən güclü maqnit qasırğası aprelin 20 və 21-də proqnozlaşdırılır - gücün 6 bala çatacağı gözlənilir. Buna görə də bu günlərdə həkimlər sağlamlığınızın qeydinə qalmağı məsləhət görürlər.
Şərhlər