Hədə-qorxu ilə pul tələb etməkdə təqsirləndirilən "Beniz" ləqəbli tiktoker Aybəniz Xəlilovanın cinayət işi üzrə növbəti məhkəmə iclası keçirilib.
TRENDX.AZ oxu.az-a istinadən xəbər verir ki, Bakı Ağır Cinayətlər Məhkəməsində hakim Fəxri Məmmədovun sədrliyi ilə keçirilən prosesdə Məhəmmədəli adlı şahid ifadə vermək üçün məhkəməyə gəlmədiyi üçün onun prosesə məcburi gətizdirilməsi ilə bağlı qərar qəbul edilib.
Növbəti proses iyunun 30-na təyin edilib.
Xatırladaq ki, tiktoker barəsində sevgili olduğu X.Kərimov Suraxanı Rayon Polis İdarəsinə şikayət edib. Hüquq-mühafizə orqanları tərəfindən tiktoker barəsində Cinayət Məcəlləsinin 182.2.2 (hədə-qorxu ilə tələb etmə - təkrar törədildikdə) və 182.2.4-cü (hədə-qorxu ilə tələb etmə - xeyli miqdarda əmlak əldə etmək məqsədilə törədildikdə) maddələri ilə cinayət işi başlanıb. Şikayətçi ərizəsində Aybəniz Xəlilovanın ondan hissə-hissə olmaqla 836 min manat pul tələb etdiyini göstərib.
