Bu gün Azxeber.com informasiya portalının 16 yaşı tamam olur.
TRENDX.AZ xəbər verir ki, 2010-cu il aprelin 13-də jurnalistlər Hacıbəy Heydərli və Əfsələddin Ağalarovun təşəbbüsü ilə yaradılan portalda hazırda hər gün müxtəlif sahələri əhatə edən yüzə yaxın xəbər, müsahibə, reportaj və köşə yazıları yayımlanır.
Saytın xəbərlərinə mütəmadi olaraq ölkənin mətbu orqanları tərəfindən istinad olunur.
Daim tərəfsizlik və dövlətçilik prinsiplərindən çıxış edən Azxeber.com intellektual gəncliyin izlədiyi azsaylı informasiya portallarından biri kimi tanınır.
Azxeber.com, eyni zamanda, sosial şəbəkələrdə ən çox izlənilən xəbər portallarındandır.
Saytın "İnstagram"da 860 min, "Tiktok"da 800 min, "Youtube"də 50 min, "Facebook"da 100 min, "Threads"də 60 min, "Telegram"da isə 30 minə yaxın izləyicisi var.
TRENDX.AZ kollektivi adından həmkarlarımızı təbrik edirik!
