Feysbuk şirkəti gələn həftədən etibarən adını dəyişməyi planlaşdırır.Bu barədə "Verge" portalı məlumat yayıb.
Bildirilib ki, sosial şəbəkənin rəhbəri Mark Zükerberq bununla bağlı "Facebook Connect" konfransında daha ətraflı məlumat verəcək.
Sözügedən konfrans oktyabrın 28-i keçiriləcək. Lakin yeni adın özü daha əvvəl təqdim oluna bilər.
Qeyd olunur ki, şirkətin yeni adının nə olacağı ciddi şəkildə gizli saxlanılır. Hətta rəhbərliyin yalnızca bir qismi yeni addan xəbərdardır./Axşam.az
