Prodüser Roland Bayramov xalq artisti Aygün Kazımova ilə işbirliyinə son qoyub.
May.Az-a açıqlama verən prodüser hazırda yeni təklifləri dəyərləndirdiyini bildirib.
"Hazırda yeni təkliflər almışam, hansı tanınmış müğənni ilə işləyəcəyimi də qərarlaşdırmışam. Yaxın günlərdə bu barədə mətbuata açıqlama verəcəyəm”, - deyə R.Bayramov bildirib.
Xatırladaq ki, A.Kazimova ilə R.Bayramov 2015-ci ilin dekabrından birgə çalışırdılar.
R.Bayramov bu günə qədər şou-biznesdə xalq artisti Faiq Ağayev, müğənnilər Natavan Həbibi, Zamiq Hüseynov, Vasif Məhərrəmli, Emil Bədəlov və başqaları ilə işləyib.
Aysel.Ş
