Sənət aləmində fəaliyyət göstərən bəzi məşhurlar yalnız yaradıcılıqları ilə deyil, sahib olduqları bizneslərlə də diqqət çəkirlər.
Axşam.az xəbər verir ki, bir sıra tanınmış simalar özəl sahədə də fəaliyyət göstərir.
Əməkdar artist Vəfa Zeynalova da restoran biznesinə sahib olan sənətçilər sırasındadır.
Rəqqasə Fatimə Fətəliyevanın gözəllik salonu, gül mağazası və xına təşkili şirkəti var. O, müxtəlif layihələri ilə biznes sahəsində də aktivdir.
Müğənni Elçin Hüseynov şadlıq evinin sahibidir. Sənətçi həmçinin restoran biznesi ilə məşğul olan məşhurlardan biridir.
Müğənni Rüfət Axundovun isə bir neçə restorandan ibarət restoranlar şəbəkəsi fəaliyyət göstərir.
Müğənni Günay İbrahimlinin öz geyim atelyesi var. O, moda sahəsində də layihələr həyata keçirir.
Müğənni Xuraman Şuşalı xına mərasimlərinin dekorasiyası ilə məşğuldur. Sənətçi xüsusi günlər üçün hazırladığı bəzəklərlə də tanınır.
Müğənni Zamiq Hüseynovun həm kişi geyimi mağazası, həm də burger evi var.
