Türk aktyor Çetin Tekindorun (81) səhhətində yaranan problem səbəbilə bir müddətdir xəstəxanada müalicə aldığı üzə çıxıb.
OLAY yazır ki, qan göstəricilərinin yüksək olduğu bildirilən Tekindor bu səbəbdən rol aldığı “Çirkin” serialının çəkilişlərinə başlaya bilməyib.
Bunun üzərinə Çetin Tekindorun səhnələrini bir müddət ustad aktyor Tamer Leventin canlandırmasına qərar verilib.
Bazar ertəsi çəkiliş meydançasına çıxacaq Levent, Tekindorun canlandırdığı “Ökkeş” obrazını ustad aktyor sağalana qədər oynamağa davam edəcək.
