Daxili İşlər Nazirliyi Nəqliyyatı İntellektual İdarəetmə Mərkəzi paytaxt sürücülərinə müraciət edərək hava şəraitinə görə yollarda tətbiq edilən məhdudiyyətlərlə bağlı məlumat yayıb.
BAKU.WS mərkəzə istinadən xəbər verir ki, hazırda müşahidə olunan sıx duman səbəbindən Zığ dairəsi–Hava Limanı yolunun bəzi zolaqlarında sürət həddi 20 km/saatadək azaldılıb.
Bununla bağlı məlumat-sürət tablolarında dəyişiklik edilib və "dumanlı yol" xəbərdarlıq işarəsi aktivləşdirilib.
Sürücülərdən təhlükəsizliyi təmin etmək üçün yeni sürət həddinə ciddi şəkildə riayət etmələri xahiş olunur.
