Rusiya Dövlət Duması ev şəraitində saxlanılması qadağan olunan heyvanların siyahısını yeniləyib. Siyahıya kobra, piton, zəhərli hörümçək, pələng, şir, çaqqal, tısbağa və bəzi primat növləri daxil edilib.
Milli.Az xəbər verir ki, qanun son dövrlər ekzotik heyvanların insanlara hücum hallarının artması fonunda qəbul olunub. Yeni qaydalar yalnız qanun qüvvəyə mindikdən sonra əldə edilən heyvanlara şamil ediləcək. Əvvəlcədən alınmış heyvanlar müsadirə edilməyəcək.
Deputat Vladimir Burmatovun sözlərinə görə, bu heyvanların reabilitasiya mərkəzlərinə təhvil verilməsi daha təhlükəsiz variantdır.
