Noyabrın 20-də ABŞ Prezidenti Co Baydenin 82 yaşı tamam olub.
Oxu.Az mk.ru-ya istinadən xəbər verir ki, ABŞ-nin hazırkı prezidenti bu tarixi seçkidə məğlub tərəf kimi qeyd edir.
Cozef Robinet Bayden Pensilvaniya ştatının Skranton şəhərində anadan olub. 1953-cü ildə onun ailəsi Delaver ştatına köçüb.
Bayden təhsili üzrə hüquqşünasdır, Delaver Universitetini bitirib və Sirakuz Universitetində hüquq dərəcəsi alıb. O, siyasi karyerasına 1970-ci ildə Nyukasl Dairə Şurasına, 1972-ci ildə isə ABŞ Senatına seçildiyi zaman başlayıb.
Onun sonrakı həyat yolu isə artıq çoxlarına məlumdur.
Co Bayden sayca 46-cı ABŞ prezidenti olmaqla ölkənin ən qocaman dövlət başçısı kimi tarixə düşüb.
