ABŞ-nin yeni prezidenti Donald Tramp Ağ Evin mətbuat katibi vəzifəsinə Kerolayn Livittin təyin olunduğunu açıqlayıb.
"Qafqazinfo" "NBC News"a istinadən xəbər verir ki, bu barədə Respublikaçılar Partiyasının keçid komandasının bəyanatında deyilir.
Bu təyinatla 27 yaşlı Livitt ABŞ tarixində Ağ Evin mətbuat katibi vəzifəsinə gətirilən ən gənc şəxs olub.
Qeyd edək ki, Kerolayn son seçkilərdə Trampın seçki kampaniyasının sözçüsü və əvvəlki administrasiyasında mətbuat katibinin köməkçisi vəzifəsində çalışıb.
Trampın müşavirlərinin dediyinə görə, Livitt müsahibələrində onu müdafiə etməsi ilə Trampın diqqətini çəkib.
