"Allah çox şeyi əlimdən alsa da, çox gözəlliklər verib. Gözəl ailədə dünyaya gəlmişəm, dəlicəsinə məni sevən həyat yoldaşım var. 15 ildir bir yerdəyik. Daha gənc olanda deyirsən ki, ayrılsaq həyatımıza davam edəcəyik. Amma zaman keçdikcə daha çox bağlanırsan".
Axşam.az xəbər verir ki, bu sözləri aktrisa Zümrüd Qasımova "Gün ortası" verilişində deyib. O, həyat yoldaşından boşanmasından danışıb:
"Biz rəsmi boşandıq. Amma evimizi dəyişməmişik. Bir yerdə yaşayırıq. Mən toy istəyirdim, ona görə də rəsmi nikah olmadı. Yaxın rəfiqəmin ailəsində faciə oldu deyə, toyu təxirə saldım.
Həyat yoldaşımın birinci ailəsindən olan oğlu bizimlə qalır. Ana ola bilmirəm, özüm bundan imtina etdim. Həkim dedi ya həyatın, ya uşaq. Mən də həyatımı seçdim".
