Gürcüstan müxalifətini liderləri prezident Salome Zurabişviliyə seçki saxtakarlığı bəyanatı ilə bağlı izahat vermək üçün prokurorluğa getməməyi tövsiyə ediblər.
Oxu.Az bu barədə Gürcüstan mətbuatına istinadən xəbər verib.
"Biz müxalifət olaraq Gürcüstan Prokurorluğuna getmək fikrində deyilik, çünki ona etibar etmirik. Düşünürəm ki, prezident də prokurorluğa getməyəcək, lakin, hər bir halda, onun mənim məsləhətimə ehtiyacı yoxdur" - deyə Gürcüstan müxalifətinin liderlərindən biri Zurab Caparidze bildirib.
Gürcüstan Prokurorluğu mümkün seçki saxtakarlığı ilə bağlı araşdırmaya başlayıb.
Oxu.Az bu barədə TASS agentliyinə istinadən xəbər verib.
Eyni zamanda, ölkə prezidenti S.Zurabişvili seçki saxtakarlığı ilə bağlı işlətdiyi ifadələrə görə prokurorluğa çağırılıb.
Qeyd edək ki, qonşu Gürcüstanda oktyabrın 26-da keçirilən parlament seçkisi hakim Gürcü Arzusu - Demokratik Gürcüstan Partiyasının qələbəsi ilə başa çatıb.
