İsrail İrandan hücum riskinin artması səbəbindən kritik infrastrukturu gücləndirməyə başlayıb. Bu barədə Oxu.Az "Bloomberg"ə istinadən bildirir.
Nəşr iddia edir ki, İran və ya onun regiondakı etibarlı qüvvələri tərəfindən artan hücum riski ilə üzləşən İsrail kritik infrastrukturunu şaxələndirir və gücləndirir.
Məlumata görə, İsrail rəsmiləri batareya ilə işləyən sirenləri əldə edib, xilasetmə xidmətləri isə mobil rabitə ilə bağlı problemlər yaranması ehtimalına qarşılıq, peyk telefonları alıblar.
Qeyd edək ki, daha əvvəl İsrailin müdafiə naziri Yoav Qalantın ABŞ-li həmkarı Lloyd Ostinlə söhbət apardığı və söhbət zamanı İranın genişmiqyaslı hücuma hazırlaşdığı məlum olub.
