"Milli Məclisə sentyabrın 1-də keçiriləcək növbədənkənar seçkidə iştirak üçün 1 508 nəfər müraciət edib. Onlardan 1 462 nəfərin namizədliyi təsdiqlənib".
Oxu.Az xəbər verir ki, bunu Mərkəzi Seçki Komissiyasının (MSK) sədri Məzahir Pənahov qurumun bugünkü iclasında deyib.
Onun sözlərinə görə, ölkədə fəaliyyət göstərən 26 siyasi partiyanın 25-i seçkidə iştirak edəcək:
"Deputatlığa namizədliyini irəli sürənlərdən 1 420 nəfəri imza vərəqəsini alıb, 1 197 nəfər isə imza vərəqələrini qaytarıb, 1 030 nəfərdən çox şəxsin deputatlığa namizədliyi qeydə alınıb".
