Beyons bu xəstəlikdən əziyyət çəkir

Amerikalı müğənni Beyons uşaqlıqdan dəriyə təsir edən otoimmün qeyri-infeksion xəstəlik olan psoriazdan (sədəf) əziyyət çəkir.


Axşam.az xarici mətbuata istinadən xəbər verir ki, sənətçi səhhətindəki problemlə görə kosmetika brendi yaratmağa qərar verdiyi bildirib. Beyons xəstəlikdən ən çox saçlarının əziyyət çəkdiyini etiraf edib:


"Demək olar ki, bütün uşaqlığımı anamın salonunda keçirdim. Atam davamlı olaraq başıma sədəf xəstəliyinə qarşı xüsusi məlhəm çəkirdi. Bu anlar mənim üçün müqəddəs idi".


Qeyd edək ki, baş dərisi psoriazı immunitet sisteminin bədəndəki sağlam hüceyrələrə hücum etməsinə səbəb olur, nəticədə keçəl ləkələr və dəridə quru ləkələr əmələ gəlir ki, bu da ciddi narahatlığa səbəb olur.