BiG.AZ xəbər verir ki, 82 yaşlı amerikalı Vera Dileo əmin edir ki, hər gün buzlu su ilə yuyunmaq ona daimi cavan qalmağa kömək edir. Qadın kosmetik prosedurları ilə bağlı təcrübəsini "TikTok" səhifəsində paylaşıb .
Veranın qohumları, dostları və tanışları onun real yaşından xeyli gənc göründüyünü və dərisinin təəccüblü şəkildə hələ də əla vəziyyətdə olduğunu deyirlər. Qadın bildirib ki, özünə qulluq və plastik cərrahiyyə üçün minlərlə dollar xərcləmir, lakin o, hər gün mütləq özünü buzlu su ilə yuyur. Sadə bir vərdiş onun gözəlliyinin və sağlamlığının təminatı olub.
Qeyd edək ki, mütəxəssislər soyuq vannaların sağlamlığa və gözəlliyə müsbət təsir etdiyini təsdiqləyirlər. Soyuq su qan dövranını sürətləndirməkdən əlavə dərini sıxır, təravətləndirir.
Vera Dileonun yeni videoları on minlərlə baxış, yüzlərlə şərh və repost toplayır.
