Emin Əmrullayev: "Azərbaycan dövləti mənim xaricdə təhsilimə 130 min dollar sərmayə qoyub"

"Azərbaycan dövləti mənim xaricdə təhsilimə 130 min dollar sərmayə qoyub".


Oxu.Az-ın məlumatına görə, bunu Təhsilin İnkişafı Fondunun təşkilatçılığı ilə ümummilli lider Heydər Əliyevin 100 illik yubileyinə həsr olunan Təhsilin İnkişafı Forumunun "İnnovasiya ekosisteminin yaradılması" panelində çıxışı zamanı elm və təhsil naziri Emin Əmrullayev bildirib.


Onun sözlərinə görə, bir çox ali təhsil müəssisələrində artıq rəqabət mühiti formalaşır:
"Lakin onlarda təhsil haqları da fərqlənir, biz dövlət olaraq 8 min, 10 min avro ödədiyimiz proqramlar var. Məsələn, mən hesabladım ki, dövlət mənim xaricdə təhsilimə dövlət 130 min dollar xərcləyib. Mövcud əmək bazarının heç də hamısında eyni aktiv yanaşma yoxdur".