Kilo problemindən əziyyət çəkən bəzi insanlar yaşlarını bəhanə gətirərək, sağlam çəkiyə qovuşmaqdan boyun qaçırırlar.
Onlar artıq yaşlı olduqlarını, bu səbəbdən də arıqlaya bilməyəcəklərini tez-tez dilə gətirirlər.
Mütəxəssislər arıqlamaq üçün ən uyğun yaş aralığını açıqlayıb.
3 min qadın arasında aparılan araşdırmanın nəticələrinə görə, arıqlamaq üçün ən uyğun yaş 28-dir.
Belə ki, araşdırma 30 yaşdan yuxarı qadınlar üzərində aparılıb. Mütəxəssislər arıqlamaq üçün ən uyğun yaşın 28 olduğunu təxmin edirlər. Onlar bildirib ki, 28 yaşını keçən qadınlarda arıqlamaq daha çətindir.
Qadınlardan 60 faizi arıqlamaq üçün qeyd olunan ən uyğun yaş həddinin də bu olduğunu təsdiqləyiblər.
40 faizi isə bunun iradədən asılı olduğunu deyib.
Qeyd edək ki, səbəb olaraq 28 yaşda bədənin hələ də özünü yeniləyə bildiyi və maddələr mübadiləsinin zəifləmədiyi göstərilib./Medicina.az
