Son zamanlar bir çoxları xroniki halsızlıqdan şikaytlənirlər. Lakin təbiət bizə enerji bəxş edən bitkilərlə doludur. Sadəcə onlardan doğru şəkildə istifadə etmək lazımdır. Necə?
BiG.AZ xəbər verir ki, bu barədə həkim-fitoterapevt, apiterapevt, bitkilər üzrə elmi işçi Elnur Eldaroğlu efirdə aparıcı Şəhriyar Əbilovun suallarını cavablandırarkən danışıb.
O özünün də artıq uzun müddət ərzində hər gün çörəkotu (qara zirə), ud hindi, kəklikotu, biyan kökü, propolis, biyan balı, çiçək tozu kimi təbii dərman bitkilərindən istifadə etdiyini vurğulayıb və təbii enerji içkisinin reseptini açıqlayıb.
Bunun üçün 1 stəkan (200-250 ml) qaynanmış ilıq suya 1/4 çay qaşığı zəncəfil, 1 çay qaşığı polen (çiçək tozu) əlavə edib qarışdırdıqdan sonra 1 çay qaşığı limon suyu (1/4 limonun suyu) qatmaq lazımdır. Su bir az da soyuduqda 1 xörək qaşığı bal əlavə edilib içilir.
Həkim bu içkidən səhərlər istifadə etməyi məsləhət görüb.
Natəvan Baxşiyeva
