Qarnı üstə yatmaq onurğa üçün ən zərərli pozalardan biridir.
BiG.AZ Oxu.az-a istinadən xəbər verir ki, bu barədə Rusiyada ixtisaslı nevroloq və manual terapevt, ali dərəcəli həkim, həmçinin "Jit zdorovo!" ("Yaşamaq gözəldir!") verilişinin aparıcısı Dmitriy Şubin xəbərdarlıq edib.
"Tövsiyə etməyəcəyim poza - qarnı üstə yatmaqdır. İstənilən mütəxəssis bu məsələdə mənimlə razılaşar", - deyə o bildirib.
Şubinin sözlərinə görə, ya kürəyi üstə, ya da böyrü üstə yatmaq məsləhətdir.
"Böyrü üstə yatarkən yastığın biri qulağın altında, digəri isə dizlərin arasında sıxışdırılmalıdır. Kürəyi üstə yatırsa, o zaman yastıqda çiyin deyil, baş və boynun olması çox vacibdir. Bu zaman ikinci yastıq belin altında olmalıdır", - deyə o əlavə edib.
