Votsap istifadəçilərə mesaj göndərməzdən əvvəl media fayllara nəzarət etmək üçün yeni imkanlar verəcək."Qafqazinfo" xəbər verir ki, bu barədə "WABetaInfo " məlumat yayıb.
Sosial şəbəkə şəkil, video və ya GIF animasiyası olan mesajın alıcılarını seçmək və ya statusa məzmun dərc etmək imkanı verəcək. Hazırda bu yalnız "Kamera"dan fayl göndərildikdə mümkün olur.
"WABetaInfo"nun məlumatına görə, yeni funksiyada media məzmununun seçilməsi üçün xüsusi düymə görünəcək.
Bu funksiya hazırda yalnız Android üçün Votsapın beta versiyasında mövcuddur. Bildirilib ki, yeni seçim tezliklə Android və iOS-un buraxılış versiyalarında görünəcək.
