“Daha əvvəl heç bir ABŞ lideri ilə bu vəziyyəti yaşamamışıq”.
“Qafqazinfo” xəbər verir ki, bunu Türkiyə Prezidenti Rəcəb Tayyib Ərdoğan cümə namazından sonra ABŞ-Türkiyə münasibətləri barədə jurnalistlərə açıqlamasında bildirib.
“İki NATO ölkəsi olaraq daha fərqli mövqedə olmalıyıq. Lazımi nöqtədə deyilsək, bunu dilə gətirmək də lazımdır. Bu günə qədər ABŞ liderləri ilə bu vəziyyəti yaşamamışıq. ABŞ terror təşkilatları ilə mübarizədə sözügedən təşkilatlara gözləniləndən daha çox dəstək verir. Mübarizə bir yana, ABŞ terror təşkilatlarına çox miqdarda avadanlıq dəstəyi göstərir. Bu cür yanaşma tərzləri olduqda, bizim də bunu dünya ilə paylaşmağımız lazımdır”, - deyə Ərdoğan qeyd edib.
