Koronavirus pandemiyasına qarşı hazırlanan peyvənd bəzi insanlar üçün yararsız ola bilər, çünki həmin şəxslər antikor istehsalında problemlər yaşayacaqlar.
May.az "Report"a istinadən xəbər verir ki, bunu virusoloq Anatoli Altşteyn deyib.
Altşteyn problemin immun çatışmazlığı olan insanlarda müşahidə olunduğunu və COVID-19 peyvəndinin onlara təsir etməyəcəyini bildirib.
"İnsanlar antikor istehsal etmə qabiliyyətinə görə fərqlənirlər, lakin onları qruplara ayırmaq olduqca çətindir. Bu, sağlamlıq vəziyyətindən deyil, orqanizmin heç kimin bilmədiyi xüsusiyyətlərindən asılıdır".
Bundan əlavə, həkim antikorların yaşlılarda, stres altında olanlarda, iltihab əleyhinə dərmanlar və alkoqol qəbul edənlərdə istehsalın zəif olması ilə bağlı məlumatlara şübhə ilə yanaşıb.
