“Koronavirus diaqnozu qoyulan 62 yaşlı Marneuli sakininin hazırkı ümumi vəziyyəti əhəmiyyətli dərəcədə yaxşılaşıb”.
“Report”un yerli bürosu xəbər verir ki, bu barədə Tbilisi Dövlət Tibb Universitetinin 1 saylı klinikasının direktoru Levan Ratiani bildirib.
O deyib ki, qadın həm də şəkər diabeti xəstəsidir: “Bununla yanaşı pasiyentdə ürək çatışmazlığı da var və o, həkimə çox gec müraciət edib”.
L.Ratiani qeyd edib ki, klinikada koronavirusdan müalicə olunan 79 və 80 yaşlı pasiyentlərin də vəziyyəti qənaətbəxşdir.
