Dünyada bir milyarda yaxın adam elektrik enerjisindən məhrumdur.
MAY.AZ-ın life.ru-ya istinadən verdiyi xəbərə görə, bu barədə "World Energy Outlook" Beynəlxalq Enerji Agentliyinin illik proqnozunda bildirilir.
Ekspertlərin sözlərinə əsasən, hazırda Saharadan cənubda yerləşən Afrika ölkələrində 600 milyon insan elektrik enerjisi olmadan yaşayır. Vəziyyət dəyişməsə, 2030-cu ilə bu bölgədə elektrik enerjisinə sahib olmayanların sayı çox da azalmayacaq (530 milyon nəfər olacaq), sonra isə yenidən 600 milyonadək artacaq. Buna səbəb infrastruktur inşaatını qabaqlayan əhali artımıdır.
Beləliklə, proqnoza əsasən, 2030-cu ilə Afrikanın Saharadan cənubdakı bölgəsinin əhalisinin 36% -i elektrik enerjisindən istifadə edə bilməyəcək, onların dörddə üçü kənd sakinləridir.
2030-cu ildə "elektrikləşdirilməmiş" əhalinin təxminən yarısı Konqo DR, Uqanda, Nigeriya, Niger və Sudanda yaşayacaq.
Natəvan Baxşiyeva
