"Facebook" və "Instagram" sosial şəbəkələrinin istifadəçiləri xidmətlərin işlərində problemlərlə üzləşiblər.
Sonxeber.az-ın məlumatına görə, bu barədə populyar internet resurslarda problemləri izləyən "Downdetector" portalı xəbər verir.
Portalın məlumatına əsasən, texniki qüsurlar əsasən ABŞ, Kanada, Almaniya, Böyük Britaniya və Portugaliya sakinlərində müşahidə edilir.
Bildirilir ki, "Facebook" istifadəçilərin şikayətlərinin təxminən 45 faizi sosial şəbəkənin xəbər lentinin, 34 faizi sosial şəbəkənin tamamilə işləməməsi, 19 faizi isə öz hesablarına daxil ola bilməmələri ilə əlaqədardır.
"Instagram" istifadəçilərinin isə təxminən 83 faizi sosial şəbəkənin xəbər lentinin işləməməsi, 9 faizi saytların çətin açılması, 6 faizi isə ismarıclara baxa bilməmələrindən şikayət edirlər.
