"Səhər saat 6-ya kimi bəzən Faiq Ağayevlə yazışırıq. Bilirəm ki, onun ürəyi hər zaman yanımdadır. Dəstək olmaq üçün həmişə yanında dayanmaq olmaz ki".
May.az xəbər verir ki, bu sözləri müğənni Elnarə Xəlilova "Gündən-günə" verilişində deyib. Sənətçi son günlər məşhurlaşmağın asanlaşdığını söyləyib:
"Əvvəl fərqli idi. Efirə çıxmaq çətin idi. Kim istəyirdi efirə buraxılırdı? Yox. Ələnirdi, seçilirdi... İndi nə var məşhur olmağa. Çıx yersiz hərəkət elə, ifadə işlət, ol populyar. Hamı səndən danışacaq. Sevgi qazanmaq ayrıdı, populyar olmaq ayrı".
