Məşhur Hollivud ulduzu Ancelina Coli İraqdakı "Domiz" qaçqın düşərgəsinə üçüncü dəfə səfər edib.
MAY.AZ ölkə.az-a istinadən xəbər verir ki, düşərgədə yaşayan və yardıma ehtiyacı olan ailəni diqqətlə dinləyən Ancelina yardım çağırışı edib.
Suriya müharibəsindən qaçıb düşərgəyə sığınan Ronia və uşaqları ilə tanış olan Ancelina uşaqların xüsusi qayğıya ehtiyacı olduğunu bildirib.
Uşaqlarına baxmağa çalışan dul ana Ronia deyib: "Uşaqlarım xəstə olmasaydı, yaxşı olardı. Amma bu xəstəlik bizi əldən salıb".
Məlum olub ki, 5 uşaqdan ikisi talassemiya xəstəsidir.
