Xalq artisti Mələkxanım Əyyubova qardaşı oğlu, müğənni-bəstəkar Ramal İsrafilovdan danışıb.
Axşam.az-ın məlumatına görə, xanəndə Ramalın onun olduğu verilişə gəlməməsinə münasibət bildirib. Əyyubova “Hər şey daxil” verilişinə zəng edərək müğənni ilə küsülü olmaları haqda söhbətlərə aydınlıq gətirib:
“Onlar mənim balalarımdır, heç vaxt övladlarımdan ayırmıram. Mirkamili də çox istəyirəm. Onlarla hər zaman bir yerdəyəm. Efirdə elə olur ki, işi olub gəlməyib. O demək deyil ki, Ramal verilişə hörmətsizlik edir. Sosial şəbəkədə yazırlar ki, bibi bunlara dəstək olmadı. Biz belə ailə deyilik”.
M.Əyyubova "Bəs niyə Ramalla duet oxumursunuz" sualına belə cavab verib:
“Ramalı qınayıram, bibisi ilə duet oxumur. Neçə vaxtdır deyirəm. İnanıram ki, edəcək. Düzdür, işləri də olur. Bizim ailədə hər zaman hörmət olub”.
