Bu gün sosial şəbəkələrdə sentyabrın 30-da Azərbaycanda devalvasiya olacağına dair xəbərlər yayılıb. Buna səbəb bir sıra banklarda həmin günün şənbə olmasına baxmayaraq, iş günü elan edilməsi olub.
BAKU.WS xəbər verir ki, məsələ ilə bağlı Milli.Az Mərkəzi Banka sorğu ünvanlayıb.
MB-dən bildiriblər ki, bu xəbərlərin heç biri əsası yoxdur:
"III rübün başa çatması ilə əlaqədar olaraq dövlət büdcəsinə daxilolmaların kütləviliyini, xərclərin aparılmasının rəvanlığını və hesablaşmaların başa çatdırılmasının təmin edilməsi zəruriliyini nəzərə alaraq, ölkədaxili hesablaşma-kassa əməliyyatlarının aparılması məqsədilə 30.09.2017-ci il tarixi bank sistemi üçün rəsmi iş günü elan olunub.
Bununla bağlı kommersiya banklarına rəsmi bildiriş göndərilib".
