Uzun müddətdir sevgili olan Burak Özçivit və Fahriye Evcenin dünən axşam dəbdəbəli toy məclisi baş tutub.
BAKU.WS-in məlumatına görə, "Sait Halim Paşa yalı"sında reallaşan toy mərasimi böyük marağa səbəb olub. Mərasimə saatlar qala toy baş tutan məkana dəniz yolu ilə gələn cütlük hazırlıqlara şəxsən nəzarət edib.
Nikahı Beşiktaş Bələdiyyə sədri Murat Haznedar bağlayıb. Burakın toy şahidi prodüsser Timur Savcı, gəlinin şahidi isə Banu Savcı olub. "Sait Halim Paşa yalısı"nda baş tutan dəbdəbəli toya sənət, idman və iş dünyasından çox sayda şəxs qatılıb. Özçivit və Evcen cütlüyü toy sonrası bal ayı üçün Maldiv adalarına uçub.
