Dünyanın ən məşhur mesajlaşma tətbiqlərindən biri olan Whatsapp yeni xidmətlərini işə salacaq.
May.Az-in məlumatına görə, "iOS" əməliyyat sisteminin ən faydalı xidmətlərindən biri olan "Siri", sadə dillə desək süni zəkadır. Bu süni köməkçi vasitə əmrlərimizlə müxtəlif işlərdə bizə asanlıqla yardım edir. Xatırlatma, mesaj göndərmə və axtarış etmə, internetə giriş və ünvan məlumatı soruşmaq kimi bir çox funksiyanı "Siri"nin köməkliyi ilə asanca əldə edə bilirik.
Artıq "Siri" Whatsapp-a da əl atacaq. "Siri" Whatsapp söhbətlərimizi oxuya biləcək və bizi daha yaxından tanıyacaq. Bununlada Whatsapp-da istədiyimiz adama mesaj göndərmək, gələn mesajları səsli bir şəkildə oxumaq və axtarış edə bilmək kimi bir çox xüsusiyyətə qovuşmuş olacağıq.
Yeniliyin nə vaxt tətbiq olunacağı hələlik bilinmir.
