Çinin Tonçuan şəhərində yaşayan, 48 yaşlı aşpaz Ma Jianpinqin görüntüləri sosial şəbəkələrdə böyük maraq doğurub.
BiG.AZ xəbər verir ki, xarici KİV-in məlumatına görə, barbekü restoranının həmtəsisçisi olan Ma Jianpinq ABŞ-li iş adamı, Tesla və X platformasının sahibi İlon Maska bənzərliyi ilə diqqət çəkib. Müştərilər bu oxşarlığı videolar yayılmamışdan əvvəl də qeyd edirdilər.
Onun görüntülərinin Çinin Douyin platformasında paylaşılmasından sonra restoranın qarşısına çoxsaylı insanlar toplaşıb. Ziyarətçilər "Çin Maskı" adlandırılan aşpazla şəkil çəkdirib, onunla əl sıxmaq üçün növbəyə dayanıblar.
Məlumata görə, restoranın müştəri sayı iki dəfə artsa da, Ma Jianpinq gözlənilməz populyarlığın ona narahatlıq və utancaqlıq hissi yaşatdığını bildirib.
